দুদিন পরপর ট্রেনিং
ফালাইনরে ভাই।
গদিত বইয়া খাইয়া দাইয়া
ইতার কোনো কাম নাই।

কদিন বাদে বাদে খালি
সিস্টেম পাল্টাইন।
ট্রেনিং করাইয়া করাইয়া
একেবারে উল্টাইন।

চারটা পাঁচটা ক্লাসে রোজ
করি লেসন প্লেন।
SDM,DAPUTI,CRP আইয়া
তাও গালি দেইন।

যোগার ক্লাসে রুটিন আছে
মাষ্টার তো নাই।
ঐ সময় হুরুতাইনরা চিল্লাইন
কাই মাই।

কো স্কলাসস্টিক,প্রোজেক্ট
ইতার যে কিতা করে।
পরিক্ষার দিন আইতা না ইতায়
আইন না দেইন পরে।

বাড়ি বাড়ি গিয়া হারিয়া
পোয়াপুড়ি আনি।
সাইকেল ড্রেস টেকা
আরো দেইন খানি।

না পিটিয়া না বকিয়া
পড়াও আদর কইরা
কোনতা না লেখলেও
দেও পাস করাইয়া।

এক বছরে নাম ও লেখা
পারলাম না হিকাইতে।
এর বাদেও ফেইল করাইয়া
পারলাম না রাখিতে।

কোনতা না হিখিয়াও
নাইনে উঠি গেলা।
এক কেল্লাসো এতো হুরুতা
দিলো এবার ঠেলা।

ইতাইনতেরে সামলাইয়া
রাখা হইলো দায়।
পিটাপিটি কইরা ইতায়
মাথা ফাটাইলায়।

এরবাদে বিচার আচার
আরো কতো কিতা।
পড়ার নামে কোনতাও নাই
হক্কল ইস্কুলো ইতা।




১১-১১-২০১৭ ইং ;
২৪ ই কার্তিক  ;  ১৪২৪ বাং ;
ধর্মনগর ;উত্তর ত্রিপুরা
   ভারত।

বি:দ্র;=

আমি সিলেটী নই,তবু ও শুনে শুনে নকল করার
চেষ্টা করলাম মাত্র।কারন আমার আশেপাশের বেশির ভাগ লোক বাংলাদেশের সিলেট  ডিস্টিক থেকে দেশ ভাগের সময় এসেছে।

কাল এই কবিতার উত্তর দেবো পাতায়।আমন্ত্রণ রইলো...