আইদ্দে অঁঅন মাসত তোঁয়ারে তুল্লম ঘরত
পচিমর চালত নোয়া ছন দিয়ম আরেক পরত
গোনডার ছাঁছত লাগি তাইবো আ-তর ছাপ
পাকঘরত চুলার ডেকতুন উডিবো গরম ভাঁপ।

ঘরত আইলে বারি দিবা তোঁয়ার রাঁধা ভাত
আরা জীবন্নান থাইকুম তুই-আঁই এক সাথ
ঘোয়াডা দিলে তোঁয়ারে দেহি অয়ম বেয়ালা
তুই বইলে প-অত্র অই-বো উডানর ডেয়ালা।

এত কিছু ভাবিদি আর বানাইর হুদাই স্বপন
আঁর মনর হতা তোঁয়ারে নহই রাইখি গোপন
কেনে হইয়ম কেনগরি হইয়ম নফার দিশকুল
বিলত ফুডি থাঁইকে একস্টুয়ুআ পদ্মফুল।