ভালা মাইনষর জুতা ধইও
কমিন্দর ধারো না যাও,
ভাব ধরিয়া কাম করলে
শুকনায় দৌড়ে নাও।

এক গাতে দিলাম ধুমা
বার গাতেদি যায়,
যার লাগি এত কিছু
তারে মশায় খায়।

ভাও বুঝিয়া  বাইও নাও
ভাই বন্ধু জনা,
হাগোর মতো হাগ নায়
খালি রসুনের বিড়ম্বনা।

এক গাছে ধরলে বড়ই
দশে মারে ইটা,
মাগনা গরুর দাত নাই
নুন লাগে মিঠা।

কপাল যদি থাকে বালা
হালায় ডাকে বাপ,
অইবো পুতে ডাকবো বাজান
পুরবে মনের তাপ।

উঠার কালো বেখা দেখি
আসমানের ঐ চাঁন,
তেতই বেখা দেখি ফুলো
জনম বেখা গাং।

আমি অনে অইলাম লারী
বাজারে আইলো রংগিন শাড়ি।।
------------------------------চলবে

(সিলেটের আঞ্চলিক ভাষায় লিখিত)
২৮শে মার্চ, ২০১৮ইং
দাওরাই।
abu3217@yahoo.com