(বাংলাদেশের সিলেট বিভাগের মৌলভীবাজার জেলার আঞ্চলিক ভাষায় রচিত।)
******************************
উতরো বাড়ির পুড়িটার
আছে নি কোন ডর্
কি সুন্দর কানে কানে মোরে
পিরিতের কতা কর্।
আমি অইলাম
ইস্মার্ট বয়
আমি নব্বই অইলে
তাই নায় নয়।
ক্লাসো বইলেউ মোর দিকে তাই
উক্কি মারি চায়,
রাস্তা বাইদি যাইতে সময়
টাংকি মারি যায়।
আখ্তা আখ্তা
হক্কলের সামনে
কিতা কিতি
কইলায়।।
আমারো একটু বেশি শরম
মনটাও বেজান নরম
মিজাজ অত সকাল
অয় না তো গরম।
আমিও তো নায়
কম বাটফার
দেট্টিকি পুড়িরে নাচাইতে
কত বইল লাগবো আর?
সেবে পাইলে তাইরে আমি
বালা করি জিকাইমু
মনু গাঙো ডুবাইয়া তাইরে
প্রেম পিরিতি হিকাইমু।
রচনাকালঃ ৩১/০৫/২০০১